Namaki o Viti: Ngatai

E vakaraitaka o Charlie Ngatai na kavetani ni Maori All Blacks ni dua na timi e dodonu me na namaki ena sotasota ni Qito ni Vuravura oya na timi ni Vodafone Flying Fijians.

E vakaraitaka o Charlie Ngatai na kavetani ni Maori All Blacks ni dua na timi e dodonu me na namaki ena sotasota ni Qito ni Vuravura oya na timi ni Vodafone Flying Fijians.

E kaya o Ngatai ni dina ni ratou mai qaqa e na 27 kei 26 e na Vakarauwai sa oti, ia, e dua na qito kaukauwa dina e ratou vakayacora na timi ni Viti.

Na timi ni Viti ea liu tu vei Maori e na matai ni veimama e na kai 26 kei 10 mai na sikoa nei Kini Murimurivalu, Nemani Nadolo kei Akapusi Qera na kavetani.

Ia, na kai kei Maori ea rawa mai e na sikoa nei Rieko Iowane, Elliot Dixon kei Damian McKenzie. E vakaraitaka ko Akapusi Qera na kavetani ni timi ni Viti ni mai cava na nodratou sota kei Maori ni ratou na la?ki vakavinakata na vanua e ratou malumalumu kina ni bera na sota kei Toga e na macawa qo. E tukuna talega ko Colin Cooper na dauniveivakatavulici ni timi ni Maori ni kena mai cava na qito e Laucala e laurai saraga na vinaka ni nodra tuberi na timi ni Viti ka na dua na timi vinaka ena vakaitavi ena qito ni vuravura. Nai otioti ni gauna ea vakadrukai Maori kina o Viti oya e na 1975.

Ia, na timi ni Viti e na rau sota tiko kei Toga e na kena dolavi tiko na sotasota ni Pacific Nations Cup e na Vakarauwai qo e na ANZ Stadium.