Na wai vakaitaukei

Update: 10:44AM Esa koto oqo era nai kuri ni wai vakaitaukei ka da vuli tiko mai kina e na veimacawa ka veivuke mai kina na Minisitiri ni Taukei e na tabana ni Tovo kei na Vosa, ni wiliwili sara yani.

57 KUITA

Vutu na ulu ni cabe na siga, ruru/malumu/seavu tale ena sigalevu

1. Ratou waki vata na drau ni bovo, drau ni qatima kei na drau ni yaqoyaqona ni viti, vuloni, vusoi, gunuvi ni sa lutu vinaka na kakana.

2. Mamai vata na drau ni yaro kei na drau ni jaina, vakaturuma na qara ni ucu se daliga, ia ni sa turu oti, me irivaki sara tiko.

58 KUITA CURUMONA

Mataqali kuita masa, wadredre na usouso ni domo, lualua.

1. Qilia na drau ni rogomi, tauvuloni ena isulu, sui na qaraniucu

59 KUITA QURUMONA

Mosi kaukauwa na ulu, buwawa na mata ena gauna ni ualevu se dromu na matanisiga.

1. Me tuki na kuli ni molikaro, vusoi qai gunuvi.

2. Me rau bosoi vata na drau ni wadamu kei na drau ni yaqoyaqona.

3. Kari na kuli ni moamoa kei na bovo vuloni, vusoi.

4. Kari na tolo ni wi kei na bovo, vuloni, vusoi.

5. Me mamai vata na drau ni yaro kei na drau ni jaina, vakaturumi e qaraniucu se qaranidaliga, oti me qai irivaki.

6. Me kari na tolo ni kalabuci damu, waki vata kei na waiwai niu, vakaturumi e qaranidaliga kei na qaraniucu.

7. Tuki na kuli ni makosoi, vuloni, vusoi

8. Me qili na drau ni danidani qai sui kina na qaraniucu.

9. Me qili na drau ni tavola qai sui kina na qaraniucu

60 KUITA TIKIDUA

Mosi kaukauwa na ulu ni dau cila na matanisiga, ruru/malumu ni tu donu na matanisiga.

1. Beti na drau ni tamole damu, qili, vakatirimi na kena wai e qaraniucu me qai ceguvi vakarua se vakatolu. Nai sui oqo me vakayagataki ga ena veimataka. Ena vakilai ni na katia cake na qaraniucu.

2. Me mamai na drau ni madirini, vulona enai sulu mamare, qai loba na kena wai, qai cerumi cake.

61 KUNE CA

1. Kari na tolo ni waleaqi, vuloni, gunuvi.

62 LAMEA

Na kena dau tutubu na yame kei na gadro dau tauvi ira vakabibi na gone, bubuta, boic na loma, savu talega na weli. Vei ira na gone, era na tagitagi nira katakata, sega talega ni ra garova na kakana.

1. Kau mai na drau ni vulokaka, veisa qai veisaumaki. Vei ira na gone me vakalailai ga, na qase me vakalevu. Me vivi qai mamai, tilomi na wai kei na kena kosakosa.

2. Beti na drau ni kalabuci damu, sava vinaka, qili, sui kina na lamea.

3. Yaca na vuani kura, vakawai vakalalai, sui kina na lamea.

4. Kari na tolo ni koka (rawa ni gunu kina na gone kei na qase), vusoi, gunuvi.

5. Me ratou tuki e walu na sovu ni koukou, walu na drauni mlautagane kei na walu na drau ni kaukarisiga qai tauvuloni (kua I vakawai) boboki na kena wai ena dua nai taki ni ti, me qai sui kina na yame.

6. Me ratou tuki vata na drauni yaro, drauni kura kei na vuani kura. Vakawai ena waikatakata tabua, gunuvi.

7. Me beti mai vakalevu na drau ni quawa malumu, vusoi, gunuvi.

63 LATILATI

1. Me mamai na titi ni dogo, tilo na wai, biuta tani na kosana.

2. Me mamai na tamole ni viti, gunuvi na kena wai, qai biu tani na kosakosa.

64 LAUTA NA KABOA (ika)

1. Nomu qaqalo e laukata mo terega kina na yaya vakamarama. Ena mudu na vutuu, na sega talega ni na curuma na gaga.

65 LEVULEVU

1. Saniva mai na wabosucu, covuka, covidra kei na botebotekoro, tawana ena beseni levu se kuro levu. Vusoya matua me yacova ni sa sosoko vinaka. Vakadewataka kina tavaya lelevu. Katona vinaka tu.

Gunuva e 1 na bilo levu ni o yadra, 1 na bilo levu ni o vakarau davo. Gunu oti ga, mo davo ka moce lutu sara. Vakawasoma o na tadra. Nanuma mo masulaka na nomu taoqota na vuremu, vakurekuretaka matua. Dua na bilo levu qai gole sara yani ki saula. Vakarau moce me vakarautaki, waqara na sitovu vakalailaitaka na kena Igu. Laiva na katakata me curumi iko yani.

Yaga vaka levu na yavalata na yago i wai, mo qalo nunu ka teketeke vakaukauwa me tadre vinaka na yago tuki vinaka na uto ka yavala kina nai sema ni yago, me wasoma taki na kena vakayacori na vakaukauwa yago oqo me lutu kina na yago ka bulabula kina na uto.

Ena qai tomani tale yani.