Na vuli oti

SA ra na vola talega na vuli oti e na Nadroga/Navosa High School e dua na nodra i vola ni kudru ni nodra sega ni vinakata me veisautaki na nodra koronivuli me Technical College se me koronivulI ni vuli cakacaka.

SA ra na vola talega na vuli oti e na Nadroga/Navosa High School e dua na nodra i vola ni kudru ni nodra sega ni vinakata me veisautaki na nodra koronivuli me Technical College se me koronivulI ni vuli cakacaka.

E vakaraitaka e dua na vuli oti ena koronivuli oqo ko Ilisoni Tavailagi, yabaki 39 mai na koro o Rukurukulevu ni nodra koronivuli ni yasana oqo.

?Na kena sa sagai me veisautaki na koronivuli ni yasana oqo e sa veicalati kaya sara kei na ka e tukuna na matanitu e na vuku ni zoning mera gole ki na koronivuli ga e voleka ki na nodra i tikotiko se koro,? kaya o Tavailagi.

E vosa tiko oqo ena veika e a cauraki koto ena niusiveva vakavavalagi ena Moniti ko o i rau na Minisita ni Vuli o Mahendra Reddy kei na jeameni ni Matabose ni Yasana o Nadroga/Navosa o Ratu Wakanimolikula Vosailagi

A kaya tiko kina o Vosailagi ni sa matata vinaka tu e na loma ni yasana o Nadroga/ Navosa na nodra tokona na toso e vakayacora oqo na matanitu.

Ia, kaya o Tavailagi ni na rawa vakacava vei ira na gone ni yasana o Nadroga/ Navosa mera na ladeva yani na vuli e na College oqo kevaka e sa kau tani na nodra dodonu mera goleva taumada na vuli e na sekedri ni bera ni lade yani ki na vuli tara.

Kuria ka kaya ni levu vei ira na gone era vuli e na koronivuli oqo era rawata na veimaka vinaka ni veitarogi e na i naki ni nodra gadreva mera vakarautaki ira ki na veta e cake ni qaravi i tavi ka sega nira raici sobu tu ga.

E kaya talega e dua na i tubutubu o Merewai Biu, yabaki 45 e na koro o Cuvu, Nadroga ni o koya e dua vei ira na i tubutubu e a sainitaka na kudru ka kau cake ki na palimedi e na macawa sa oti.

E kaya o koya e vuli tiko kina na luvena ka sega sara ga ni duavata ena kena sa sagai me veisautaki oqo na koronivuli ni yasana.

?Tiko ga qo na veikoronivuli eso ka ra cicivaka na wekada na Idia ka qai digitaki ga na koronivuli ni yasana,? e dusimaka o koya.

E kaya ni voleka ki na veikoro e na loma ni Tikina ka sega sara ga ni duavata ena kena sa gadrevi me veisautaki.

?Dodonu me kacivi keimami na i tubutubu kei ira na vuli oti na Minista ni Vuli ka me keimami veitalanoa taumada me rogoci keimami mada.

?Ia, oqo e qai gole me la?ki rogoca tale na vakatulewa ni valenivolavola ni yasana o Nadroga/Navosa,? e kaya o Biu.

Ko ira na gone era vakayagataka tiko na koronivuli oqo na Nadroga/Navosa High School era cavutu mai Yadua, Navuevuevu, Sila, Tore, Cuvu, Rukurukulevu, Voua, Hanahana, Nadroumai kei na so tale.

Latest posts

More Stories