Na lutu sobu levu vei Dominion

NA kabani ni volitaki batiri oqo na Dominion Battery Company Limited e a se bucini sara mai e na yabaki 1960 e na nodratou a tekivu qarava vakatabakidua ga mai na batiri ni motoka.

NA kabani ni volitaki batiri oqo na Dominion Battery Company Limited e a se bucini sara mai e na yabaki 1960 e na nodratou a tekivu qarava vakatabakidua ga mai na batiri ni motoka.

Ni sa toso tiko mai na nodratou veiqaravi, e ratou sa qai seresereka ka vakacobara tale na batiri ni lori kecega e na kena veimataqali.

Ia, me yacova mai na siga ni kua, e ratou sa kenadau tu e na volitaki batiri, mai ena batiri solar, na batiri ka vakayagataki e na motoka, na mataqali ka vakayagataki vei ira na waqa, o koya ka vakayagataki e na UPS, na batiri ka vakayagataki e na motovai, na batiri ka vakayagataki e na mota ni livaliva (electric carts), na kena ka vakayagataki e na waqa totolo ni saravanua (jet-ski) kei na vuqa tale. E na tabana ni vakaleleci ni veika vakalivaliva me rawa ni vakamalumutaka na kena kaukauwa, na kabani oqo e i sevu me kauta mai na i sema mai Niusiladi ka vakayagataki vei ira na dau lagasere kei na livaliva e na nodra coba vataga e na dua na i vakaso ni livaliva ni bera ni ra qai veiwaseyaki yani.

Ia, na kena sa gadrevi tiko vakalevu na i yaya e ratou volitaka tiko e na gauna oqo, e sa kalawaca tale e dua na i kalawa e na vakacici bisinisi na kabani oqo, sa i koya na nodratou sa volitaka na solar ka ra dau vakatakatari e na katakata ni siga, mai na veika lalai ka rawa ni rauta na vei vale yadua, ka kauta cake sara vei koya e levu duadua, ka na vakatau tiko veui koya e via volia.

Na gauna talega oqo e ratou sa vakaduria na i irinicagi lelevu ka vakasumi mai na solar (solar hybrid turbines) na duru ni cina e gaunisala ka vakasucumi mai na solar, vata kei na pamu ni taqe ni wai ka qivai mai e na loma ni qele, kei na vuqa tale. O ira kece na veika lelevu oqo era na laurai sara vakavinaka mai vei ira na kena Idinia me rawa ni vakecegui vinaka sara na lewe ni vanua ka ra volia na nodratou i yaya.

Keitou volitaka tale tikoga na gauna oqo na ?Solar system ka tiko vata na solar panels, solar batteries kei na kena inverter, na cina livaliva ka tiko e na 200 ki na 300 na lita, ka vakakina na kato ni waililiwa ka rawa ni ra vakayagataka na dau qoli se na veikorokoro ka ra vinakata me batabata vinaka tu ga na kedra ika.

E tiko talega e na nodratou sitoa na veimataqali yaya ka vakayagataki kina na solar, me vaka na: high efficiency solar panels, na kena charge controllers, na cina na LED lights, na pure sine power inverters, na batiri ka vakayagataki e na solar, na UPS, na alamu kei na vuqa tale, ka tiko talega na kuro ni vakasaqa ka vakayagataki kina na solar, na kena ka vakayagataki e na kuro ni ti , kei na vatu ni yayani, na iri ni cagi, na kuro ni raisi (rice cooker), na solar ni retio yaloyalo ( TV) kei na veika tale matailalai eso.

Tiko talega vei ratou na tamata e kila vakavinaka na ka e baleta na livaliva ka ra vakalaiseni talega kina ka ra sa tu vakarau mera la?ki vakadabera na nomuni solar e na yasai Viti cava ga ko tiko kina, ka vaka kina na wasa Pasivika.

O ira ga na neitou dau ni volivoli e wili kina na; Fiji Electricity authority, na kabani ni Telecomm Fiji, na Fiji TV, o ira na liga ni wau ni noda vanua, (Fiji Military forces), o ratou na Proffesional Electronics, na Elcom LTD, na Universal Electronics, kei na CAN AM Solar.

Ratou sa tu vakarau talega ke dua na leqa tubukoso, kevaka ko ni vinakata na veivuke totolo mo ni qai veitaratara ga yani e na naba ni talevoni na: 3383817, fax 3370092, se email e na dommusic@connet.com.fj.

Latest posts

More Stories