Na i lakolako ni 44 na yabaki

ENA loma ni 44 na yabaki sa oti me vakatekivu mai na gauna ni Tu Vakaikoya nei Viti e yaco kina e va na vuaviri, vakacaca, va na Yavu ni Vakavulewa kei na 56 na siga ni kena vakayacori e dua na i tovo vakamadua e na nodra tauri tu vakavesu e so na lewe ni noda palimedi e na yabaki 2000.

Oqori e dua na tamo ni nona i tukutuku na Paraiminisita o Voreqe Bainimarama e na nona a vosa e a cauraka e na i ka 69 ni bose vata ni Matanitu Cokovata kei Vuravura e na nona kaya ni sa balavu na toso ka sa sotavi kina na mavoa e na noda vanua. Kuria ka kaya e na nona vosa ni a saga o Viti na duavata kei na cakacaka vata, ka malumalumu na noda duavata e na leqa ni noda vakasama ka cakacaka me vaka e dua na vanua, kei na dua na tamata. Ia, e na macala ni veidigidigi, e sa biu na veika oqori e dakuda.

Kaya o koya e na noda bula ni veidigidigtaki galala vakademokarisi eda sa kai Viti taucoko, ka sa da sega ni wasei vakamata-tamata se i soqosoqo vakalotu. eda sa lewenivanua tautauvata, ka vaka kina na vakabauta ni Lotu Vakavuravura, ka na gadrevi me da toso vata ki liu ka me vakavatukanataki na noda na yalayaloa me vaka e dua na matanitu, ka vakadeitaka na noda i tavi.

E a tomana ka kaya ki na lewei Viti e matai vuravura ni lagilagi e mai rawata e na veidigidigi e baleti kemuni na lewenivanua se na kai Viti raraba. Veitalia na mata cava o digitaka, ko sa digitaka tiko e dua na gauna vinaka vei Viti nimataka.

E vakamamasu ka kaya ni na veiliutaki tiko e na vukudra na lewenivanua taucoko, ka veitalia se evei na vanua e gole mai kina se o cei era digitaka. Kaya ni na taucoko na nona matanitu e na loma ni va na yabaki mai oqo.

Tomana ka kaya ni o koya na i liuliu ni kai Viti kece sara, me baleti ira na kai Viti taucoko ka na sega ni vinakata me dua e na guilecavi e na i tosotoso vou oqo.

E na vuku ni tikina oqori, e sa dodoka yani kina na nona veisureti ni veitokani ki vei ira na i To ni Veisaqa. Se cava na duidui e koto, e gadreva mera cakacaka vata e na noda Palimedi vou e na gauna e sa na dolavi kina e na i ka 6 ni Okotova, me na vakavinakataki kina na nodrea bula na kai Viti taucoko.

More Stories