Na Domo ni Parofisai mai na Lotu i Kavitu

Listen to this article:

Na Domo ni Parofisai mai na Lotu i Kavitu

ESA koto oqo e ra na i kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

3. Era na la?ki vakaitikotiko e vei ko ira na tamata ni Kalou?

Raica ko ira sa yalo dodonu era na saumi e vuravura.? Vakaibalebale 11:31.

Sa kalougata ko ira sa yalomalua ni ra na taukena na vanua.? Maciu 5:5

O ira na tamata yalo dodonu era na taukena na vuravura oqo ena gauna sa na vakavoui oti kina.

Ena masu ni Turaga e vakaraitaka kina ko Jisu na siga namaki koya, ?Me caka na lomamuni e vuravura me vaka sa caka mai lomalagi.?

Na siga namaki koya sa roro sara tiko mai.

Ni na vakavoui na vuravura oqo, sa na qai soli tale vua na tamata me taukena.

E vei na parataisi ena gauna oqo?

4. A cava e la?ki vakarautaka ko Jisu me baleti ira na Nona tamata?

A vakaraitaka vei Joni ena raivotu na Kalou na Jeruisalemi Vou, na koro turaga ni vuravura vou.

E na tiko kina na itikotiko vakaturaga ni Kalou, ka ra na mai lotu kina Vua na Nona tamata.

?Sa vuqa na tikina ena vale nei Tamaqu; kevaka sa sega, au sa tukuna vei kemudou, Ni Ka?u sa lako ka vakarautaka na tikina me nomudou. Au na lako tale mai, ka kauti kemudou vei Au, mo dou tiko talega ena vanua Ka?u sa tiko kina.? Joni 14:1-3.

Ko Jisu e sa tiko vei Tamana mai lomalagi, ka sa la?ki vakarautaka tiko kina na koro lagilagi me nodra na Nona tamata, na Jeruisalemi Vou.

5. A cava e tu mai Parataisi?

?O koya sa vakadaligana me mani rogoca sara na ka sa tukuna na ?Yalo Tabu vei ira nai soqosoqo lewe ni lotu; vei koya sa gumatua ka?u na solia me kania na kau ni bula, ko koya sa tu e loma ni Parataisi ni Kalou.? Vakatakila 2:7.

A biuta na kau ni bula na Kalou e na loma ni were mai Iteni, ia ni sa i valavala ca na tamata, sa qai vakuwai mai na kau ni bula. Ia, na Kalou e vinakata me vakayagataka na tamata na kau ni bula. Mai lomalagi vou eda na kania na vua ni bula oqo.

?Sa qai vakatakila mai vei au ko Koya na uciwai ni Bula, sa makare sese sara me vaka na karisitala na kena wai, sa drodro mai nai tikotiko vakaturaga ni Kalou kei na Lami.

Ena loma ni kena sala kei na batina ruarua talega, sa tei kina na kau ni bula, a sa vuataka na vuana ena veivula e tinikarua, ka duidui na vuana, ia na draunikau oqo sa medra wai ni bula na lewe ni vanua.? Vakatakila 22:1, 2.

E na i vola ni Vakatakila 21:2 na koro savasava mai lomalagi e na yacana na ?Jeruisalemi vou?. Nai tikotiko vakaturaga ni Kalou e tiko sara ga e na loma i Jeruisalemi vou. Na i Vola Tabu e kaya ni ko Jisu e tiko kina.

?…. ena tu ga kina na i tikotiko vakaturaga ni Kalou kei na Lami.? Vakatakila 22:3.

E drodro mai nai tikotiko vakaturaga ni Kalou e dua na uciwai makare sese, ka batabata, ia, e na bati ni uciwai e tubu tu kina na vuni kau ni bula.

Na vu ni kau ni bula oqo e vuataka na vuana, ka na kalougata ko ira era kania na vuana, ni ra na sega ni mate rawa.

E na veivula taucoko e na duidui na vuana.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.

Array
(
    [post_type] => post
    [post_status] => publish
    [orderby] => date
    [order] => DESC
    [update_post_term_cache] => 
    [update_post_meta_cache] => 
    [cache_results] => 
    [category__in] => 1
    [posts_per_page] => 4
    [offset] => 0
    [no_found_rows] => 1
    [date_query] => Array
        (
            [0] => Array
                (
                    [after] => Array
                        (
                            [year] => 2023
                            [month] => 12
                            [day] => 28
                        )

                    [inclusive] => 1
                )

        )

)

No Posts found for specific category