Mo tukuna na dina: Biman

E VAKARAITAKA ko Dr Biman Prasad na i To ni Veisaqa e na Palimedi ki vua na Paraiminisita ko Voreqe Bainimarama ni dodonu me na vakaraitaka na dina kei na dodonu ni veika e vakayacora tiko me vaka na i vakarau ni veiqaravi ni International Labour Organisation ena kena sega ni gadrevi e Viti e dua na i matailawalawa ni veivaqaqai ni ILO, mai na nona dusiqaqalotaka tiko na i To ni Veisaqa.

E VAKARAITAKA ko Dr Biman Prasad na i To ni Veisaqa e na Palimedi ki vua na Paraiminisita ko Voreqe Bainimarama ni dodonu me na vakaraitaka na dina kei na dodonu ni veika e vakayacora tiko me vaka na i vakarau ni veiqaravi ni International Labour Organisation ena kena sega ni gadrevi e Viti e dua na i matailawalawa ni veivaqaqai ni ILO, mai na nona dusiqaqalotaka tiko na i To ni Veisaqa.

E laveta cake mai na tikina oqo ko Dr Biman ena vuku ni nona vakaraitaka ko Bainimarama ni i To ni Veisaqa e sega ni kila na vakarau ni veivoli se vakatubu i lavo ena gauna qo, ena nona vosa tiko ena soli i covi ena kabani ni RC Manubhai Group e na bogi ni Vakarauwai sa oti.

Tukuna o Dr Biman mai na nona via vosataki iratou tiko na i To ni Veisaqa kei na Veisoqosoqo ni Tamata Cakacaka, na Paraiminisita e dodonu me sa na tu vakarau me na sotava na i wali ni gagadre e ratou vinakata na ILO ni mai cava na vula o Noveba.

Kaya o Biman ni dodonu me na vakaraitaka ki na ILO na vu ni kena sa mai leqa na veisoqosoqo ni tamata cakacaka kei na nodra dodonu na tamata cakacaka kei na nodra galala ka dodonu me na taurivaki e na gauna qo, mai na nona via vakavulica tiko na i To ni Veisaqa.

Ena bogi ni Vakarauwai sa oti e a vakaraitaka tiko ko Bainimarama na nona sasaga tiko na matanitu me na laveta cake na nodra bula na lewei Viti ena kena vakadonui na lawa ni veivakailavotaki mai na matanitu, na vakalevutaki ni saumi vakacavacava ni FNPF mai vua na i taukei ni cakacaka, kei na kena tubu nai sau ni tamata cakacaka.

E vakaraitaka o Dr Biman ni tokona na veika e laveta o Bainimarama ena vuku ni tamata cakacaka ka sega ni duavata ena kena vakatikori na lawa me vakamalumalumutaki na soqosoqo ni tamata cakacaka.

Latest posts

More Stories