Me qarauni o Samoa ena qito ni vuravura

E tukuna na kavetani ni timi rogo ni Rakavi mai Niusiladi na All Blacks o Ritchie McCaw nisa dodonu mena qarauni sara na timi ni Manu Samoa ena sotasota ni rakavi ni vuravura kana vakayacori tiko mai Igiladi ena vula ko Sepiteba.

E tukuna na kavetani ni timi rogo ni Rakavi mai Niusiladi na All Blacks o Ritchie McCaw nisa dodonu mena qarauni sara na timi ni Manu Samoa ena sotasota ni rakavi ni vuravura kana vakayacori tiko mai Igiladi ena vula ko Sepiteba.

Oqori ni oti na nodratou taqeya dredre na timi ni All Blacks na mataqali qito kaukauwa ka mosimosi e na nodrau a sota na timi e rua mai Apia,Samoa ena Vukelulu sa oti ka?a qaqa kina na All Blacks ena 25 kei 16.

Oqo tale ga e se qai matai ni gauna me qito mai kina ki na Ra kei Samoa na timi ni Niusiladi oqo.

E dau kilai tani na All Blacks ena kaukauwa ni nodratou i yatu e liu, ia na timi ni Samoa ea vakacaka na vakasama oqori me vaka nira cokataka tiko mai e so na mataqali veivesu ka dau kilai tani kina na timi ni Samoa.

Kena i kuri oqori ena nodra kaikaila na dauveitokoni kina timi ni Samoa ka vaka mera veilecayaki kina na cauravou ni Niusiladi.

Ia na kila kei na matua e tiko vei ira  e so na kena cauravou me vakataki McCaw, Kieren Read, Sonny Williams kei na vica tale me vaka nira jabeni ni qito oqo e vuravura era qai vakamoica tiko vakamalua na i tosotoso ni qito me yacova ni uvuca o revari na i otioti ni sici me oti na qito.

?Na timi ni Manu Samoa oqo e dua na timi me qarauni sara vaka vinaka.

?Eratou solia vei keitou e dua na qito vinaka sara, au vakavinavinaka vei iratou ena nodra dusia e so na neitou malumalumu ka dodonu me keitou na vakavinakataka ni sebera ni keimami na sotavi iratou na Wallabies, Springboks kei na Pumas,? e tukuna na kavetani ni All Blacks oqo.

Na timi ni Samoa esa cabeta oti vakarua na i vakatagedegede ni kotafainala ena qito ni vuravura, matai ena yabaki 1991 ena veiliutaki nei Pita Fatialofa kei na kena i karua ena yabaki 1995 ka?a caka na sotasota ni qito ni vuravura mai Sauca Aferika.

Ena sotasota ni vuravura ena yabaki 2011, era a vakadruka noda mata timi ena qito vakatobu ena nodra a bililaki na noda yatu eliu mai vei iratou na tamata lelevu mi Samoa. Ia meda na vakadeuca mada ena sotasota ni Pacific Cup ka na tekivu tiko ena macawa oqo ni rau na doladola kina o Viti kei Toga ka tarava mai na timi ni Manu Samoa, e keri eda na kila kina na i vakatagedegede era tu kina noda i yatu e liu.

Latest posts

More Stories