Marautaka na Matabose ni Veidigidigi

Update: 8:50AM E VAKACAUCAUTAKA na Valenivolavola ni Veidigidigi e Viti na Matabose ni Veidigidigi e na kena vakayacori e dua na veidigidigi e savasava ka dodonu.

E vakaraitaka na jeameni ni Matabose o Chen Bunn Young na nona vakavinavinaka cecekia ki vei ira na lewei Viti e na Siga Tabu.

Kaya o koya ni vakavinavinaka vakalevu na Matabose ki na Valenivolavola ni Veidigidigi e na ruku ni veiliutaki nei Mohammed Saneem e na cakacaka vagumatua e na nodra rejisitataki na dau veidigitaki mata kei na i vakarau vou ni veiqaravi me vakadeitaki kina na kena vakayacori e dua na veidigidigi e dodonu ka savasava.

E na dua tale na yasana, e vakavinavinakataka na matanitu o Saneem e na kena raici me vakayacori na veidigidigi ka vakadeitaki na kena vakayacori vakavinaka.

E a vakavinavinakataki ira talega na veimatanitu era a veivuke mai kei na veitokoni e na kena vakarautaki mai o ira na kenadau.

Kaya o koya ni vuqa sara na tamata e dodonu mera vakavinavinakati e na kena mai vakayacori rawa na veidigidigi oqo.

E vakacaucautaki ira taucoko na vakailesilesi ni veidigidigi e na i tavi levu e sa mai qaravi rawa.

More Stories