Marau ni sa mai veidigidigi rawa

Update: 8:34AM E SA marau ni sa veidigidigi rawa me na rogoci kina na domona.

E sa dua na ka na nona mai marautaka o Peniasi Tagitagivalu ni rawa ni mai veidigidigi tale ni oti e walu na yabaki ni veiliutaki ka sega ni digitaki mai vei keda na lewenivanua.

Au marautaka ga ni rawarawa sara vei au na veidigidigi ena yabaki qo ka nuitaka ni na dua na matanitu vinaka e na basika me liutaki keda ni oti na veidigidigi, e kaya o Tagitagivalu.

E vakaraitaka ko Tagitagivalu ni gadreva o koya me na dua na matanitu vinaka me na liutaki keda yani ni oti na veidigidigi.

Na matanitu me na liutaki keda qo edodonu me cicivaki keda e na veiliutaki savasava ka me kua ni vakatabakidua na nona veiqaravi, e kaya na turaga yabaki 76 qo.

E kaya na turaga ni Navolau qo ni sa na rawa ni na liutaki keda tale e dua na matanitu ka da digitaka na lewenivanua. E tinia o Tagitagivalu ni vinakata na matanitu me liutaki keda qo me na cakava ka tomana na veivakatorocaketaki ka sa mai tekivutaki rawa tiko.

Latest posts

More Stories