Liu tikoga ke karua mai Lodoni

KEVAKA me qaqa se yacova nai karua ni itutu na timi ni Fiji Airways Fiji 7s mai Lodoni esa na rawa ni liu tikoga kina ena tuvatuva ni poidi ka rawa talega ni nodratou kina nai covi ni HSBC World Sevens Series.

Ia, kevaka me sega ni dua na veivakidroataki ena sotasota qo, e rawa ni rau na curu koso na timi ni Viti kei Sauca Aferika, Samoa se o Canada ena kota fainala.

Ia, kevaka me liu mai ena nona tobu na timi ni Sauca Aferika, ena rawa ni calati Viti ka rawa ni rau la’ki veiqedravu ena fainala.

Na vanua e rawa ni yacova o Viti ke vinaka me liu tikoga ena poidi oya me yacova nai karua ni itutu ia ke qaqa ena fainala sa qai bonisi sara.

Ke vinakata na timi ni Sauca Aferika me na taqomaka tale nai covi ni HSBC World Rugby Sevens Series e dodonu me na rawata ruarua nai covi ni Lodoni kei na Parisi.

Sa liu tiko na noda matatimi ena 145 na poidi, tarava o Sauca Aferika ena 141 na poidi, Niu Siladi ena i ka tolu ni itutu ena 120 na poidi.

More Stories