Koula o Viti

ESA mai rawata o Viti nai matai ni nona metali koula ena sotasota ni 2018 Commonwealth ena Gold Coast e Ositerelia. A mai rawata na koula ko Eileen Cikamatana ena nona laveta rawa e 233 na kilokaramu ena nodra lave ka bi na goneyalewa ena wasewase na 90 na kilokaramu ena veisisivi lave ka bi.

A laveta o Cikamatana e 103 na kilokaramu ena 130 na kilokaramu ka vakatokai tiko na ?clean and jerk? ena nona mai rawata kina na koula nei Viti.

Oya esa i karua ni metali e rawata o Viti, na kena i matai a rawata talega na qito ni lave ka bi mai vei Apolonia Vaivai ka rawata kina na varasa ena 69 na kilokaramu vei ira na goneyalewa.

Ia, e ratou a vakadrukai vakaca na timi ni noda goneyalewa ena netball vei Ositerelia ena 108 kei 23 ena sotasota vakatobu.