Kauwai e na i vadi ni vodovodo

E KAUWAI sara vakalevu na Matabose ni Dauvolivoli e na vuku ni lutu ni vodovodo ni waqa ka tubu cake nai vodovodo ni basi ka dau veiusa tiko mai na waqa ni pasidia.

E KAUWAI sara vakalevu na Matabose ni Dauvolivoli e na vuku ni lutu ni vodovodo ni waqa ka tubu cake nai vodovodo ni basi ka dau veiusa tiko mai na waqa ni pasidia.

E kaya o PremilaSingh na vakailesilesi liu ni Mataose ni a lavai na lutu ni vodovodo oqo mai na Fiji Commerce Commission.

Oori e na vuku ni dua na kudru a vagolei ynai ki na Matabose ni dua na sala ni waqa era dau muria tiko na pasidia e na noda vanua, e sega ni lutu sobu na kena vodovodo.

Kaya o Singh ni kabani ni waqa oqo e se jatitaka tiko ga e $65 ni dua na i golegole (basi kei na vodovodo ni waqa) me vaka ga na nona dau sauma tu mai ni bera nai matai ni Jiulai.

?Na kabani ni waqa oqo e vakatubura cake na i vodovodo ni basi mai Suva ki Labasa mai na $10 ki na $18 (tubu ena $8) me i sosomi ni lutu sobu ni vodovodo ni waqa mai $55 ki na $47,? e vakaraitaka toka.

Tomana ka kaya ni ratou sa na qai vakadikeva na kisi oqo ke so na kabani ni waqa era nakita mera vakatubura na i vodovodo ni basi ni dua na i golegole me veisosomi kei na lutu sobu ni sau ni vodovodo ni waqa. Na lawa ni vodovodo sa mai tauca na FCC e oka ga kina na tiki ni veilakoyaki e wai oqo ena soko ki na dua na i kelekele ni waqa ki na dua na kelekele ni waqa.

Na yalani ni sau (price control) e sega ni ologi kina na veilakoyaki e vanua mamaca, ia, e so na sala era ganita na basi oqo e dau vakarautaki mai kina ena loma ni tikite.

?E ka bibi mera rawa ni vakavodoki na pasidia e na basi mai na dua na kelekele ni waqa, me vaka mai na tauni ko Labasa ki Nabouwalu se mai Suva ki Natovi.

?Sega ni cala nai walewale oqo mai na kabani ni waqa, ni ra vakamuria tiko mai nai sau ni vodovodo ni waqa sa vakadavora mai o FCC.

?Ia, e sega ni dua na ka e tarovi ira na veikabani lelevumai na nodra vakatubura na i vodovodo ni basi.?

Sa vakadeitaka mai na Tabana ni Veilakoyaki e Vanua Mamaca (LTA) ni vodovodo ni veibasi oqo e sega ni vakalawataki baleta nira sega ni cici tiko ena ruku ni sala vakalaisenitaki (route license) ka vanua e vakalawataki kina na i vodovodo.

E vakabauta na Matabose ni kena vakalawataki mai na vodovodo ni waqa mai vei FCC e na sega ni vukei ira na dauvolivoli ke rau oka vata koto na vodovodo ni waqa kei na vodovodo ni basi.

Kuria ni naki ni vakalawataki ni vodovodo ni waqa mai na Matanitu me vakadeitaka ni veiraurau na i vodovodo vei ira na dauvolivoli, ka na sega ni lavaki nalawa vei ira na basi era qarava na tabana ni waqa ena vakavodo pasidia.