Kasere o Vatuvula kei Vatusolo

Update: 11:57AM SA MAI yala toka na noda i talanoa e na gauna era sa raica kina na lewe ni koro ko Namara, Vuda, na waqavuka (helicopter) ni sa vuka wavokita tiko na delana o Vatuvula kei Vatusolo.

Ni tei wiliwili sara yani:

E kaya o Qasenivuli Vakacegu Epeli Rawaqa ni gauna era sa bose tiko kina e na nona vale, sa vakamasuti ira sara ga na kena turaga me ra yalovinaka sara, ke rawa ni ra toki tikoga e na siga oya, ka me ra sa vaqara toki yani ki na dua tale na yasa ni yanuyanu, ka me ra biuta na nodra koro, de na qai dua na vakacalaka levu e na yaco.

�Dina ni keimami raica tiko na sisi ni qele vata kei na yalayala e cakava mai o Talatala Samuela Jeke e na yabaki 1918, ni sa yaco tiko e matai keimami, ia, e se loma tarotaro tikoga na yaloqu, ka�u kerea kina vei ira na neimami qase keimami bose vata tiko e na noqu vale, me ra yalovinaka sara ka vakadonuya na neimami vaqara koro yani e na yasa ni yanuyanu kadua.

�Gauna madaga keimami bose tiko kina oqo, e levu na cauravou kei ira na marama era tucake tikoga e loma ni rara, me ra raica tiko na sisi ni qele, de lakolako e tavuki na mua, me sa vakadodonu sobu mai e na neitou koro.

�Na vakarerevaki ni kena rorogo kei na nodra sa veisugusugu sobu tiko mai na vatu lelevu kei na vunikau, e sa yali sara ga vei keimami ena neimami vakabauta na yalayala e cakava o Talatala Jeke,� kaya o Rawaqa.

Tomana ni tiki ni sekodi oya e sa lekaleka sara ga na nodra rai kei na nodra vakabauta na yalayala ni dua na i talai ni Kalou, e na veika e sa yaco tiko e matadra.

E kaya o Rawaqa ni sa qai qiritaki ki na valenivolavola ni Talai Veivuke e na yasayasa vaka-Ra na leqa e sa yaco tiko e na koro ko Namara e na mataka koya.

Dede sara ga vakalailai ra sa raica ni sa vakaroro mai e loma ni rara na waqavuka (helicopter) ka rau sa sobu mai kina na Turaga na Tui Vuda e na gauna oya o Ratu Josai Nasorowale Tavaiqia, kei Poseci Bune na Talai Veivuke e na yasayasa vaka-Ra.

Gauna ga e raici au mai kina na Turaga na Tui Vuda sa kaya sara ga mai,� Qasenivuli na siga ga nikua mo ni vakalala kina vakadua na loma ni koro oqo, kakua tale ni qai dua na tamata, se manumanu me tiko kina�.  Ena qai kuri tale yani