Gole ki Jaina o Siti

Na kedratou i taba na i lawalawa mai Viti ena veiliutaki ni Komisina ni Ovisa, o Sitiveni Qiliho ena nodratou laki veisiko ka vulica na veiqaravi ni Tabacakacaka vakaovisa mai Jaina. Veitaba: VAKARAUTAKI

ESA vuqa sara na veika vakalivaliva e na rawa ni veivuke ena veiqaravi ni tabana ni ovisa ka dua vei ira na drones me vaka na i taba ni nona laki veisiko voli mai Jaina na i liuliu ni Tabana ni Ovisa o Sitiveni Qiliho.

E laki veisiko voli ena vanua levu oqo mai Jaina o Qiliho ka laki vakadinadinataka eso na gacagaca ni veiqaravi vakaoqo ka rawa ni mai veivuke ena nodra maroroya na lawa ni noda matanitu o ira na noda ovisa.

E tukuni talega ena tabana ni tukutuku ni vica vata na bose e laki veitalanoa kina o Qiliho ena kena gadrevi ga na nodrau cakacaka vata ka vukei na cakacaka ni ovisa e Viti.

E kaya o Qiliho ni bibi duadua tiko vua na nodra laki vuli na noda ovisa me rawa ni vukei ira ena nodra veiqaravi ena veisiga.

E laki veitalanoa talega o Qiliho kei ira na i liuliu vakamatanitu ena veiyasana mai Jaina kei na kena i liuliu ni ovisa me vakataka na Jiagnshu Police Academy.

E levu sara tiko na veivuke e ciqoma tiko o Viti ena veivuke ni yaya ni veiqaravi kei na vuli mai vei iratou na tabana ni ovisa mai Jaina. E a gole vata kei Komisina ni Ovisa o iratou na turaganiovisa Marika Kotoisuva, Ulaiasi Ravula, Mesake Sovasova kei Aisake Kafoa.

Latest posts

More Stories