Era kaci ni kere bula: Gauna

E KAILA ni kere bula sa sega ni rogo. Era kaila talega ni kere bula na lewe vuqa era vakaisulu loaloa tu ka ra kaya tiko, Jisu au sa via bula. Oqori na vanua esa mai yala toka kina na i talanoa nei Suliasi Gauna Tuiwai, yabaki 71, na turaga ni Lomati, Kabara, Lau ka a tiko vua na i solisoli ni yalo ni tara valenilotu kei na Vale ni Vanua.

E KAILA ni kere bula sa sega ni rogo. Era kaila talega ni kere bula na lewe vuqa era vakaisulu loaloa tu ka ra kaya tiko, Jisu au sa via bula. Oqori na vanua esa mai yala toka kina na i talanoa nei Suliasi Gauna Tuiwai, yabaki 71, na turaga ni Lomati, Kabara, Lau ka a tiko vua na i solisoli ni yalo ni tara valenilotu kei na Vale ni Vanua.

Ni tei wilika sara yani.

E kaya ni veika e cavuta tiko na nona kaila ni kere bula tiko oya,e salavata tiko na veika vata sara ga era cavuta na oba vakaoba na tamata ka ra vakaisulu loaloa era tucake tu era ka ra vakarorogo tiko ki na domo malumu e voqa tiko mai e na tutu ni vunau.

Kaya e na nona rai sara tu ga yani sa raica na nodra sa raica na Turaga.

?Au rai vinaka sara tu ga yani, au sa raica na Turaga ni sa siro mai na vatavata e tucake tu kina. Nona siro ga mnai koya sa wasei ira na lewe vuqa era duri tu e ra,? kaya.

Tomana ka kaya ni nodra gole tu mai koya na Turaga e vakadodonu sara tu ga yani vei koya.

?Ni qai lako mai vei au, sa vaka talega me?u vuka tu e macawa.?

E kaya ni nona raica rawa ga na Turaga sa kailavaka yani ka vaka ne: ?Jisu, au sa via bula!?

Kuria ka kaya ni nona kacivaka yani sa via bula sa salavata na nona sa dodoka yani na ligana.

?E a dodo ga mai na ligadra na turaga ka tara ga na qeteqete ni ligaqu.

?Koya ga livaliva ka ribaki au mai Yalobi e Waya ka vakavuna me?u davo kina, e yacovi au tale e na tiki ni gauna oqori.

?E curuma na noqu qavokavoka,? e kaya.

A sega ni dau tucake rawa vakataki koya o Gauna, e dau vukei koya me duri na marama watina o Gade Railala.

?E qai kidacala o buinigone au sa tucake tu.?

E a davo no o Railala ka qai kidacala ni sa kacivi koya o Gauna ka kaya: ?Yadra, yadra mada, au sa tucake rawa ko i au. Raici au mada mai.?

A taroga o Railala ka kaya se e vakaevei.

?Keirau sa sota kei Jisu!? e sauma yani o Gauna.

Kuria ka kaya ka salavata na nona sa buno: ?Rai mai, rai mai.?

?Au tu sara tu ga e na tut ni noqu vale oqo au sa raica sara na buca au rogoca sara na domo.

?Kaya ga na loqu, domo i Jisu. Ia, e vaka toka e dua na ba ni kacu e lele toka e vunikacu ka saga na yaloqu me?u tavuki me?u raici koya na i taukei ni domo ko ya.

?Noqu rai sara yani au raica sara na liga ni Turaga ni savu ruarua tu na ligana me vaka e dau laurai tu e na vuqa na kena i vakatakarakara.?

E kaya o Gauna ni nona tarai koya e vaka sara ga ni sa bula mai nma mate levu e tauvi koya tiko e na tiki ni gauna sara ga ko ya.

?E liu au se malumalumu toka, ia, e na gauna oqo e sa qai kaukauwa cake sara.?

Tomana ka kaya ni vica na vanua e a la?ki masulaki kina me bula, ia, e ole ga e na vuku ni mosi.

E kaya e na nona duri rawa ga oya e sa sorova na veilakoyaki ka curu ki tautuba ka la?ki yacova na nona vakatoqiqi no e veitavioka e na nona saga e dua na ka me vakayacora.

?Au tarabe ga oqori au sa qiqi ka?u sa qai tovolea vakataki au me?u tucake rawa tale mada,? e kuria e na vuku ni kaukauwa ni yalo e na nona gadreva me yavalata na yagona.

E la?ki saga me cavu tavioka kei na veicakacaka eso ka vakayacora tiko e na loma ni va na vula ka sega ni via cegu.

Tini sara na nona gole ki tauni ka vakaititoko voli.

E kaya o Gauna sa dau karaci koya na watina me kua ni gole ki tauni e na vuku ni tuvaki ni nona bula.

Ia, e kaya o Gauna na Kalou oqo e na raica tiko kevaka eda na sasagataki keda me da bula, ena kila o Koya ni qase oqo e via bula tiko.

?Kevaka e na via davo no ga, e na kila na qase oqo e na vinakata me davo no ga.?

Kaya o koya lewe levu era kilai koya era dau vakasalataki koya me gole ki na dua na mata masumasu, ia, e sauma ka kaya ni sa masu tale tikoga.

Kaya o koya ni na vinaka cake me na tekivu mada ga e Jeruisalemi e na nona masulaki mada ga e liu.?

?Ko i au mada ga, au sega ni vakabauta ni?u na bula rawa tale. E vakatalega kina o ira era kilai au e Lautoka kei Suva.

E sa qai masuta vagumatua na Kalou ka sega tale ni bau kerekere ni sa gadreva me bula.

E vaka ne na qaqa ni nona masu: ?Turaga au sega ni koto, au sa via bula. au via cakacaka na qele ko ni solia vei au. Ko ni qai vakadavori au. Sega ! au vuta ni koto.?

E yaco tiko na veika oqo e na vula o Maji ni 2010 e na nona sa toki yani ki na tiki ni nona qele e Tokavuci, Tomuka mai Drasa Vitogo ka a vakaitikotiko taumada kina.

E sega ni vulagi o Gauna e mua-i-ra me vaka ni a matai ga ni vanua e mai vakaitaukei koya kina ena gauna e a biuta mai kina na matasawa mai nakoro e na vuku ni tatau ni tuaraga nona i tubutubu.

Sa i koya talega e keri e a tekivu kina na nona vakaitavitaki koya kina e na i matai ni gauna e na tara valenilotu e na 1965, ka sa i tekitekivu me sa okati koya ena loma ni lotu.

Ni qai namaka na kena i kuri tale yani.