Ena sota o Namosi kei Suva

NAI ka ciwa ni cawiri ni sotasota ni Skipper Cup esa na rau mai sota kina o Suva kei Namosi e na rara na Thompson Park e Navua e na macawa qo.

NAI ka ciwa ni cawiri ni sotasota ni Skipper Cup esa na rau mai sota kina o Suva kei Namosi e na rara na Thompson Park e Navua e na macawa qo.

Na timi ni Suva ea qaqa vei Naisiri e na 22 kei 21 e na macawa sa oti e na dua na qito kaukauwa ka sa na sota tiko kei Namosi ka dabe tiko e na i ka lima ni tutu ena macawa qo.

E vakaraitaka ko Navitalai Naivalurua na sekereteri ni timi ni Namosi ni na sega ni dua na veisau mai na timi ka a vakadrukai Tailevu e na macawa sa oti.

Na timi ni Namosi esa qaqa oti vakalima ka druka vakatolu.

Esa na tekivutaki tiko na nodrau qito na timi e rua qo e na tolu na kaloko e na yakavi ni Vakarauwai qo ena Thompson Park e Navua.

Ia, na vo ni sotasota e rau na sota tiko o Macuata kei Nadi mai na Subrail Park mai Labasa, Tailevu kei Ovalau e na Ratu Cakobau Park e Nausori, Lautoka kei Nadroga e na Prince Charles Park, Tavua kei Northland mai na Garvey Park ka na rau sota tiko o Naitasiri kei Vatukoula.