Ena qito o Senatla vei Aferika

E RATOU sa mai lutu e lima na dauqito rogo ni Sauca Aferika kina sotasota ni Hong Kong 7s ena nodratou sa curu tale mai e lima na cauravou vou.

E tukuna o Marius Schoeman na dauniveivakatavulici vakatawa ni gadrevi me na veicurumaki na dauqito vou kei ira era sa qito makawa tiko mai ka vakabauta ni rawa ni ratou na qito vinaka e Hong Kong.

Na timi ni Aferika e tobu vata tiko kei na timi ni Igiladi, Sikoteladi kei Sauca Korea.

Ia, na timi ni Sauca Aferika ena sotasota ni Commonwealth e wili tiko kina o Dylan Sage, Kwagga Smith, Werner Kok, Kyle Brown, Branco du Preez, Rosko Specman, Justin Geduld, Cecil Afrika kei Seabelo Senatla.

Na timi ni Viti ena sota tiko kei Samoa ena i matai ni nona qito vakatobu ni oti na 12 ena 43 na miniti ena Vakarauwai, sota kei Rusia ni oti na 5 ena 54 na miniti ka na qai sota tiko kei Niu Siladi ni oti na 9 ena 54 na miniti ena bogi ni Vakarauwai.

Na kota fainala ena tekivutaki tiko ni oti na 12 ena 15 na miniti ena Siga Tabu, semi fainala ena tekivutaki tiko ni oti na 7 ena 41 na miniti kei na fainala levu ena vakayacori ena 11 na kaloko ena bogi ni Siga Tabu.