E dodonu me saumi e $100,000

E A vakataroga ko Viliame Gavoka mai na i To ni Veisaqa vua na Minisita ni Veilakoyaki se vakacava na kena saumi vakailavo vei ratou na sa takali ena basi ka a kama mai Naevuevu e Nadroga e na i ka 29 ni Okosita 2008 ka takali kina na nodra bula e 12 na pasidia mai na koro ko Natokalau mai Ovalau.

E A vakataroga ko Viliame Gavoka mai na i To ni Veisaqa vua na Minisita ni Veilakoyaki se vakacava na kena saumi vakailavo vei ratou na sa takali ena basi ka a kama mai Naevuevu e Nadroga e na i ka 29 ni Okosita 2008 ka takali kina na nodra bula e 12 na pasidia mai na koro ko Natokalau mai Ovalau.

E vakaraitaka ko Parveen Bala na Minisita ni Veilakoyaki e kaya ni kama ni basi qo mai Nadroga e dua na i tukutuku bibi vei Viti. E tomana o Bala ni 10 na pasidia e ratou a mate saraga e na gauna ni kama ena nodra via drotaka na nodra bula mai na kama ia e rua e rau qai mai cavuka na nodrai cegu e valenibula.

E kaya ni dua na vuvale ea saumi vua e $20,000 ka vaka me na veivakameautaki vua na lewe ni vuvale ka yaco vua na leqa kei na Tabana ni Veilakoyaki ni Vanua mamaca e na 2014.

E kaya o Bala ni sa tomani na veivaqaqai mai na LTA, Tabana ni ovisa, Tabana ni Bokobuka kei na Tabana ni ovisa mai Ositerelia. E a vakaraitaka ko Aseri Radrodro mai na i to ni veisaqa ni sa oti na vakatulewa ena mataveilewai ni dodonu me saumi kina dua na vuvale e $100,000.

Ka tomana o Radrodro ena nona tarogi Bala se cava nai naki ni saumi ni $20,000 ka sega kina ni saumi e $100,000 dua na vuvale.

 Ia, e a tukuna o Bala ni dua na veidinadinati e a vakayacori mai na veivuvale ni pasidia ka ra a leqa kei na LTA ka na sega ni via vosa kina ni sa tikoga e na mataveilewai.

E a mani vosa kina o Niko Nawaikula vei Bala me baleta na $240,000 ea kau mai na matanitu.

E a qai sauma o Bala ni $240,000 oqo e a sauma mai na kabani ni inisua ena vuku ni LTA.

More Stories