Duavata na i To ni Veisaqa

RAU sa duavata na i To ni Veisaqa na Social Democratic Liberal Party (SODELPA) kei na National Federation Party (NFP) ka sa kena i liuliu na Gone Marama Bale na Roko Tui Dreketi ko Ro Teimumu Kepa.

Mai yaco na duavata oqo ni oti e dua na bose e rau a vakayacora na i liuliu ni SODELPA o Ro Teimumu kei na i liuliu ni NFP o Professor Biman Prasad e na valenivolavola ni SODELPA e na siga Tusiti sa oti.

Era vakaraitaka o Ro Teimumu Kepa nira vakanuinui tu ni na mau vinaka na nodratou cakacaka vata kei na NFP ka na vakaukauwataka vakavinaka na i To ni Veisaqa e na kena raici na dodonu kei na savasava ni veiqaravi ni matanitu. E a vakaraitaka talega na tikina oqo o Professor Biman ka kaya ni nuitaka ni na soli vei iratou na veika e gadrevi me rawa ni vakadeitaka na yavu ni nodratou To ni Veisaqa kina.

Kaya o koya ni bula vakademokarisi e tautauvata na bibi ni matanitu kei na i To ni Veisaqa e na kena wanonovi matua tiko na veiqaravi e vakayacori ka me rogoci kina na yasana ruarua ni bera ni yaco e dua na vakatulewa.

Latest posts

More Stories