Dredre ga mo cegu

Kere i lavo

Dua na yakavi ni siga Vakarauwai era sa veibuku sara na cauravou ni koro o Vunivaivai, mai na Nakelo me ra la?ki gunu koko ki na koro ko Waikete e na Tikina talega o Nakelo.

Kere i lavo

Dua na yakavi ni siga Vakarauwai era sa veibuku sara na cauravou ni koro o Vunivaivai, mai na Nakelo me ra la?ki gunu koko ki na koro ko Waikete e na Tikina talega o Nakelo.

Ni se qai yakavi lailai ga mai na vanua, sa kerekere sara o Naibuka vei tamana, ke rawa ni solia vua e dua na nona sede me lai gunu koko kina.

Oti ga oya, sa qai tukuna vua o tamana ni sega na sede, ka sega talega ni dua na ka vinaka e kauta mai na gunu koko e via la?ki cakava oya ki Waikete.

Na levu ni nona katakata o Naibuka, e vacuvacuka sara ga na lalaga ni nodratou valenisili, ka dewa yani e na dua na vu ni vudi, ka sa vakarau dreu tu e yasani valenisili.

Gauna e qai cicivi koya yani kina o tamana me vesuka, sa gutugutuwa makawa o Naibuka, ka yali sara yani e na loma ni veikau.

E mocemoce vakaca toka o tinana e na lomaloma ni bogi, baleta ni sega vakadua ni dau moce tani na luvena o Naibuka.

Na gauna e qai dolava kina o tinana na katuba ni vale me la?ki vakatoka ti e na valenikuro i tuba e na mataka lailai, sa raica sara ni sa lili tu e na dua na dali o Naibuka, ka vesu tu e na dua na vu ni maqo ka toka tikiva ga na nodratou valenikuro, mai bobo tu yani na matana, ka katia tu na yamena.

?Woilei… na luvequ…e sa qai vakaloloma dina, isa turaga, kevaka me a soli ga na nona sede ni gunu koko, woilei…..luvequ….luvequ….luvequ,? sa sorova na tagi qoqolou o nona Nana.

Sega ni bera na nodra sa veicicivi mai na buinigone, ka lewe levu era sa mai tagi tu ga e na ruku ni vu ni maqo, ka lili tu kina o Naibuka.

Yadra cecekala ga mai o tamana me cici yani i tuba, qai raica ni vesuka tu ga o Naibuka na dali e na nona qavokavoka.

Qai ra kidacala ga na veitagicaki tiko ni sa karauti ira o tamana me ra tiko lo, kei na nona kaya yani vei Naibuka vaqo ri ne: ?Waiko, tosoa sobu tale na dali, mo vesuka e domomu.?

Kidacala tale o ira na veitagicaki tiko ni sa kaya yani o Naibuka,? Sa….me?u…mate.?

Sa dri yani

Buli tovoi

Dua na gauna e rau a la?ki tei paini kina e dua na veitavaleni mai na loma ni Tebara ki na loma ni colo kei Nadi.

Nodrau yaco ga yani va qo, sa tukuni sara me rau la?ki vakaotia na nodratou i wiliwili na turaga ni Naitasiri, ka ni ratou se lewe 28 tikoga.

Na mata cakacaka e dodonu me lewe 30 na kedra lewe levu, dua na keba.

Nodratou dau ni vakasaqa e na keba oya e dua na turaga ka a gole e na i valu ki Solomoni, ka sa matau no vua na vakacesere, ka ni sega ni taleitaka na yagona na vakasote.

Ni sa dau vakarau moce e veitaviaka ga na qele ka ra kabita tu na nona ibe, ka sega ni lima na miniti, sa rogo tale na i varo ni kau mai Malau.

Dua na yakavi ni oti ga mai na tei paini, rau sa gole sara mai na veitavaleni, mai vakacegu toka e na dua na delana, ka irova sobu tu yani na nodratou keba.

Rau rai sara ga vaqo, sa curu mai tuba o nodratou dau ni vakasaqa vata kei na beseni valawa, me mai bulia na kedra tovoi me i vakayakavi.

Ia, na gaunisala e na nodratou keba e gole mai yasana i mawi, kei na yasana i matau, ka rawa ni raica vinaka sara ga o koya na nodratou dau ni vakasaqa ke dua e gole yani.

Ni rau se sarasara tokaga na veitavaleni, lako vata tu na vakanananu mai nakoro, rau sa raici koya e buli tovoi tiko ni sa veiraiyaki.

Gauna ga e sega ni raica kina e dua sa tekivu mila na serena, mila na dakuna, mila vakalailai na dela ni muna, kena oti tu ga oya, coba tale na ligana e na valawa, ka sega madaga ni sasavui.

Buli tiko na valawa, ka veiraiyaki tikoga na matana de dua e sa lesu mai, ia, e sega vakadua ni kila ni rau vakasaravi koya vinaka tiko yani na veitavaleni.

Dede ga vakalailai se bai veiraiyaki, gauna ga e raica kina o koya ni sega ni dua e se yaco yani, sa bai mila mai na serena, cowiri i dakuna, rai tale i yasana i mawi kei na yasana i matau, qai vakasisima sobu na nona i qaqalo tubutubu siviti ira e dale ni muna, ka yali sara e na nona i suluvakatoga.

Rau rai toka yani na veitavaleni, ni sa veimoiyaki toka na turaga oya ka kataremoremo na matana vaka e dua na mata ni rea e na gauna e raica kina vakasauri na matanisiga, e na gauna e sa yali toka kina na ligana e na nona i suluvakatoga.

Na nona cavuta tu ga mai oya na ligana, vakadua tale e na loma ni beseni valawa.

Nodrau veiraici ga na veitavaleni, rau sa sorova sara ga na veitagitaki, ka vakananuma na veimataqali kakana vinaka e na nodrau dui veivale.

Sa dri yani

Latest posts

More Stories