Domo ni Parofisai mai na Lotu i Kavitu

Listen to this article:

Domo ni Parofisai mai na Lotu i Kavitu

ESA koto oqo e ra na i kuri ni itukutuku ni Domo ni Parofisai mai na Lotu ni i Kavitu ni Lesu Vakarua Mai, ni wiliwili sara yani.

Na Koro Tabu Ena Lako Sobu Mai Ki Na Vuravura Oqo
8. E na vakasavasavataka vakaevei na valavala ca ena vuravura oqo?
“E na waicala talega na vei vu ni ka ni sa vakamai. Ia, koi keda, me vaka na nona vosa ni yalayala, eda sa waraka na lomalagi vou kei na vuravura vou, sa tiko kina nai valavala dodonu.” 2 Pita 3: 10-13.
Sa yalataka tu ko Jisu ni na lesu tale mai me mai kauti ira na Nona tamata; era na taukena na vuravura oqo ni sa vakasavasavataki ka sa na sega kina na i valavala ca. Sa na savasava, ka rairai totoka.

9. A cava ena lako sobu mai lomalagi?
“A sa vakatakila vei au na koro levu, ko Jeruisalemi savasava sa lako sobu mai lomalagi, mai Vua na Kalou.
Au sa raica na koro tabu ko Jeruisalemi Vou sa lako sobu mai vua na Kalou mai lomalagi, a sa ukucavu me vaka na goneyalewa, sa uku me lako vua na watina…
Raica na vale ni kalou sa tu vei ira na tamata, ia, e na tiko vata ga kei ira ko Koya, ia era na nona tamata, ia ko koya na Kalou e na tiko vata kei ira me nodra Kalou.” Vakatakila 21: 10, 2, 3.
Sa yalataka tu na Kalou ni “ko ira na yalomalua era na taukena na vanua.” Era na tiko e na vuravura oqo, vata kei na Kalou, ka nai liuliu ni veivuravura taucoko na vuravura oqo. Sa na tu eke na Jeruisalemi Vou me tawa mudu.
Na Bula E Na Vuravura Vou

10. A cava beka e caka ena vuravura vou?
“Raica Ka’u sa bulia na lomalagi vou, kei na vuravura vou, ia e na sega ni nanumi na ka e liu, e na sega ni curu tale kina lomamudou…. a ra na tara vale, ka tiko kina; era na tea eso na were ni vaini, ka kania na vuana.” Aisea 65: 17-21.
Na veika taucoko eda na gadreva ena tu mai kea. Eda na rawa ni tara vale. Na noda iteitei e na sega ni vakacacana na manumanu.
Eda na kania na vua ni noda iteitei. E na sega ni butakoci. Na vuravura vou e vuravura dina, era tiko kina na tamata dina, ka ra vakayacora sara talega na cakacaka dina.
Mai kea ena tu ga kina na marau. E kaya ko Tevita, “sa sega ni mudu na reki, sa tu mai na ligamuni matau.” Same 16:11.

11. Era na veikilai beka na tamata mai lomalagi?
“Oqo ga eda sa kila, ni na rairai mai ko Koya, eda na tautauvata kaya, ni da na raica na matana dina.” 1Joni 3:2.
“Io, e daidai eda sa raica me vaka na titiro ena iloilo buwawa, ia mai muri, e na vaka na veirai ena matana votu: edaidai ka’u sa kila vakatikina ga; ia mai muri, ka’u na kila me vaka ka’u sa kilai.” 1 Koronica 13:12.
Sa noqu masu me vukei keda na Kalou ena noda wilika, vakabauta ka muria na nona vosa.
Ena qai tomani tale yani.

Array
(
    [post_type] => post
    [post_status] => publish
    [orderby] => date
    [order] => DESC
    [update_post_term_cache] => 
    [update_post_meta_cache] => 
    [cache_results] => 
    [category__in] => 1
    [posts_per_page] => 4
    [offset] => 0
    [no_found_rows] => 1
    [date_query] => Array
        (
            [0] => Array
                (
                    [after] => Array
                        (
                            [year] => 2023
                            [month] => 12
                            [day] => 29
                        )

                    [inclusive] => 1
                )

        )

)

No Posts found for specific category