Domo ni Parofisai mai na Lotu i Kavitu Ni Lesu Vakarua Mai

Update: 12:10PM ESA koto oqo e ra na i kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.

8. Sa vakauta na Kalou na Nona i tukutuku kina veimatanitu taucoko

Ni oti e tolu veimama na yabaki mai na mate i Jisu era a vakaviriki Sitiveni ko ira na Jiu, ka vakamatei koya sara. 

Mai na gauna ko ya sa tete na loloma ni Kalou ki vuravura taucoko, ka sa sega ni nodra duadua ga na Jiu.

9. Sa tubu vakatotolo na i matai ni lotu va-Karisito

�Ka sa kena i kuri vei ira sa lotu e na siga koya, e lewe tolu beka na udolu na tamata … Ia na Turaga sa vakaikuritaka kivei ira na i soqosoqo lewe ni lotu ena veisiga, na tamata era sa vakabulai tiko.� Cakacaka 2: 41-47.

E cici sara vakatotolo na tete ni tukutuku vinaka. Era lewe vuqa era vakamatei, vei iratou na Tisaipeli. 

Ko Joni duadua ga e mate vakavinaka, ka ni a qai la�ki mate mai Patimo, na yanuyanu ka vesu kina.

10. Na gauna butobuto

Ni oti tale e 300 na yabaki mai na tauyavu ni Lotu va-Karisito, sa curu kina lotu eso nai vakavuvuli lasu, ka vakatevoro. 

Eso na iliuliu vakamatanitu, ni ra nanuma me ra rawa na lomadra na lotu, era sa curu talega, ka ra kauta vata mai kei na nodrai vakavuvuli vakavanua kei na i vakavuvuli vakatevoro. Oti tale e 500 na yabaki, sa yaco me ra iliuliu vakavanua talega nai liuliu ni lotu, sa qai sega ni taurivaki na i Vola Tabu.

Era a tu ena dua na butobuto loaloa levu na tamata me 1200 na yabaki, ka sa sega ni taurivaki na i Vola Tabu. Oqo na gauna ka vakatokai me gauna butobuto. 

E na loma ni gauna oqo era vakasasataki na tamata lotu me vaka na manumanu.

Rauta ni sivia e 400 na yabaki sa oti eso era sa qai tekivu me vulica vakavinaka na nodra i Vola Tabu. 

Era sa qai kunea ni sa sega ni taurivaki nai vakavuvuli ka vakatavuvulitaka ko Jisu. 

Na turaga eso vakataki Luca (Luther), Knox era kaya ni dodonu me muri ga nai Vola Tabu. 

Era sa tekivu na tamata me wilika ka muria nai Vola Tabu ka sa i koya oqo na dela ni gauna ka vakatokai me gauna butobuto. 

E daidai sa rawa me da vulica na noda i Vola Tabu, ka rawa ni muria na dina ena yalo doudou.

11. Mai Iteni ki Iteni

Sa tu e dua na Nona itukutuku bibi na Kalou ka gadreva me vunautaki edaidai. 

E a tekivu e na 150 na yabaki sa oti, koya na Lesu Vakarua Mai i Jisu. Na noda veilesoni eso sa bera ena dusivaka na veika oqo. Eda na vulica na ka e baleti lomalagi kei na Iteni vou.

Sa noqu masu me vukei keda na Kalou ena noda wilika, vakabauta ka muria na nona vosa.

Ena qai tomani tale yani.