ESA koto oqo e ra na i kuri ni itukutuku ni Domo ni Parofisai mai na Lotu i Kavitu ni Lesu Vakarua Mai, ni wiliwili sara yani.
Ko ira oqo era sega ni via muria na Kalou ka ra dau vosa vakacacani Koya. Era na bula tale e na i ka rua ni tucake tale. Na i totogi e na soli vei ira e na vuravura oqo. E sega ni dua na vanua ni rarawa e vakatokai ko Eli. E na vuravura ga oqo, ka ni gadreva na Kalou me savasava na vuravura taucoko e na ruku i lomalagi.
Na Kawa Boko Ni Valavala Ca
7. A cava e yaco vei ira na i valavala ca ni ra sa kama?
“Ia raica, sa lako mai na siga koya, e na waqa me vaka na lovo, ia ko ira kece era viavialevu, kei ira kece sa caka ca, era na vaka na vu ni sila; ia e na vakamai ira na siga koya sa lako mai, sa kaya ko Jiova ni lewe vuqa, me kakua ni vo vei ira na wakadra se na tabana… Ia, dou na butu qaqia na tamata ca, ni ra na dravusa e na qeteqete ni yavamudou.” Malakai 4:1-3.
Era na kama yavu vakadua na i valavala ca. Era lewe vuqa era dau vola na veika rarawa e na yacovi ira na tamata i valavala ca mai eli.
Na vutugu kei na tagi, ia na i Vola Tabu e kaya ga ni ra na yavu vakadua. E na Joni 3:36 e kaya kina ko Jisu ni ko ira na yali era na sega ni raica na bula. Na i totogi ni valavala ca na mate tawamudu. Oqo na i karua ni mate tawa mudu. Oqo nai karua ni mate e na sega ni dua e tucake tale mai ena gauna ni mate oqo.
Na turaga e gadreva me vakaotia vakadua nai valavala ca. Na noda Kalou se sega ni gadreva mera na rarawa tiko mai eli na i valavala ca ka tawa mudu. Oqo e na sega ni dodonu, ka ni sa rui lomani keda e na vakarusai ira ga vakadua e na bukawaqa.
8. A cava e na yaco kina bukawaqa o koya ka na vakasavasavataka na vuravura i valavala ca oqo?
“Raica, era na vaka na vunisila, e na vakamai ira na bukawaqa, era na sega ni vakabulai ira rawa vakataki ira mai na kaukauwa ni yameyame ni bukawaqa, e na sega na qilaiso waqa me ia kina na tatalai se na bukawaqa me tiko voleka kina.” Aisea 47:14.
E na gauna sa vakarusai ira oti kina na i valavala ca na Kalou, e na sega tale ni dua na ka e vo e na sega tale ni dua na kena i vakaraitaki ni ra bula tiko.
9. E na vica beka na ka rarawa eda na nanuma tale ni da sa tiko mai lomalagi?
“Ia, na Kalou ena tavoya tani kecega na wai ni mata mai na matadra: ia ena sega tale na ciba, se na tagi, ka na sega tale na vutugu; ni sa takali tani na ka makawa.” Vakatakila 21:4.
Sa yalo loloma ka yalo vinaka na Kalou, e na sega ni vakauta mai ki na noda vakanananu e dua na ka makawa. Sa rarawa vakalevu e na vukudra era sega ni rawata na bula.
E na nona i tavoi e na tavoya laivi kece kina na wai ni mata mai na matadra ka vakaseyavutaka vakadua na vakanananu makawa. E kaya ko Aisea 65:17. “Ni sa takali tani na veika e liu, ka na sega ni curu tale kina yalomudou.” E tukuna na noda tikina ‘ka na sega tale na rarawa.’ Ka sa na qai tini vakadua na ka rarawa vei ira era na yali.
Sa noqu masu me vukei keda na Kalou ena noda wilika, vakabauta ka muria na nona vosa.
Ena qai tomani tale yani.
