Davo na timi tagane ni Nadi

Eratou sa qai mai davo na timi tagane ni rakavi ni Nadi ena nodratou rara na Prince Charles vei iratou na nodratou Koicalevu mai Nadroga ena kai 17-15 ena Vakarauwai sa oti.

Eratou sa qai mai davo na timi tagane ni rakavi ni Nadi ena nodratou rara na Prince Charles vei iratou na nodratou Koicalevu mai Nadroga ena kai 17-15 ena Vakarauwai sa oti.

Na timi ni Nadi ea sebera vakadua ni druka ena sotasota ni bilo na Skipper ena yabaki nikua ia eratou kalouca ni ra tou mai laveta na nodratou rara na timi ni Nadroga.

Ea dua dina na qito kaukauwa ka kuvu na soso ena kaukauwa ni qito erau vakaraitaka na timi e rua me vaka esa dau kena i vakarau tu ena veigauna kece erau dau sota kina na timi e rua.

 E a tiko vei Nadi na totolo ka totoka na tataqomaki ia na sikaramu eratou sega ni veiraurau kei iratou na tamata makawa ni Nadroga.

Era maralau na sarasara ena so na i vukivuki warumisa erau vakaraitaka na timi e rua ka vica era vakabauta ni so na cauravou ea dodonu mera lewena na timi ni Viti ena sota kei na timi ni Maori All Blacks.

Oqori na cauravou me vakataka na naba walu ni Nadroga o Nemani Nagusa kei Samu Laqai kei rau o Cyrill Reece kei Aminiasi Nava mai na timi ni Nadi.

E tukuna na manidia ni Nadroga o Iliavi Kato nira marautaka na vakailesilesi na nodra sa mai qaqa.

?Keimami a namaka me dua na qito kaukauwa me solia mai na timi ni Nadi ia e vakakina, era a sega ni suka i muri na cauravou ni Nadi me yacova nai otioti ni sekodi.

?Ia ese tuga e so na maumalumu ka keimami na vakavinakataka cake ni sebera na qito e tarava,? e tukuna o Kato.

O Nadroga etaukena tiko na bilo na Skipper me vaka ni ratou a rawata ena yabaki sa oti.

Ia, e na timi ni yasana o Tailevu e dua na yabaki dredre ni rakavi ena yasana vakaturaga o Tailevu me vaka ni sebera ni bau qaqa vakadua ni sa mai oti e walu na wavoki ni sotasota ni bilo na Skipper.

E sega ni dau vakaoqo na timi ni Taillevu ena veiyabaki sa oti.

Ia ena dua na yasana ena dodonu me qarauni ena vica na yabaki mai oqo me vaka ni ratou tosoya cake tiko ga na i vakarau ni nodratou qito, dina mada ga ni sega tiko na qaqa.

Ni ratou mai druka  tale vei Namosi e na rara na Thompson Park mai Navua e na macawa sa oti.