Cavuisausau o Delana

E VAKARAITAKA o Werau Kunakata, na i liuliu vakavanua ni koro o Nadrala ena tikina o Conua ena yasana o Nadroga kei Navosa na nona marau ena nona sa mai digitaki o Iliesa Delana me i vukevuke ni Minisita ni qito ena matanitu vou kaa digitaki ena macawa rua sa oti

O Delana ea sucu kaa susugi ena koro o Nadrala ka kilai vinaka e noda vanua ni matai ni lewe ni vanua e Viti me rawata mai na koula ena qito ni Paraolympic ena yabaki rua sa oti.

E tukuna o Kunataka nira marau na lewe ni koro o Nadrala ena vanua cecere esa mai yacova e dua nodratou gone.

Au vakavinavinaka vei Iliesa ena nona dau sasaga ka sa mai yaco me tauca na vuana.

E sega wale ga ni vakarogoya neimami koro ia na tikina taucoko sara ga o Conua kei na yasana o Nadroga kei Navosa ka keimami cibitaka ni dua neimami gone e sa laki lewena na palimedi, tukuna o Kunakata.

E tukuna tale ga o Sireli Tale mai na koro o Nawamagi ka wili tale ga ena tikina o Conua ni o Delana e taleitaki mai vei ira kece na kawa tamata era tiko ena bucabuca ko Sigatoka.

Ena gauna ni veidigidigi e levu vei ira na wekada na Idia dau teitei era a digitaki Iliesa ka dusia tu oqori na nona taleitaki ena vanua ea susugi yani kina,

E kuria ka kaya ni dau vakarokoroko kei na vakarorogo ena gauna ea se gone kina.

Au sa vakanuinui ni na kalougata nona veiqaravi ena matanitu vou oqo.

Latest posts

More Stories