Bosei na auwa ni gauna ni valenidanisi

E VEIVOSAKITAKI sara vakabibi na gauna ni dola ni vale ni veivakamarautaki mai vei na i taukei ni valenidanisi e Suva kei Nadi ka vakayacori e na ?Down Under? e na macawa sa oti

E  VEIVOSAKITAKI sara vakabibi na gauna ni dola ni vale ni veivakamarautaki mai vei na i taukei ni valenidanisi e Suva kei Nadi ka vakayacori e na  ?Down Under? e na macawa sa oti.

E a kau cake mai e levu sara na ka e bosei ena nodra mai sota oqo ena vuku ni kena kauwaitaki na bula raraba ka vaka kina na auwa ni kena dola tiko kina na vale ni veivakamarautaki.

E bosei talega na sala ni kena cici tiko na veibisinisi oqo kei na nodra cau vakailavo ki na matanitu.

E vakaraitaka ko Chris Cooke na i taukei ni valenidanisi na ?Down Under? ni vinaka cake me na saravi na i yaloyalo levu e na gauna e veitalanotaki kina na bisinisi.

Kaya ni ra a cau tale tikoga nai taukei ni veivalenidanisi ki na veika vakailavo ni matanitu ena kena saumi na vakacavacava, veivakacakacakataki kei na vale ni danisi e dua na vanua ka ra taqomaki vinaka kina na lewenivanua e na nodra mai gunu.

A laveta cake talega mai o Cooke na auwa ni kena dola tiko na valenidanisi me vakalailaitaki ka na vakavuna na leqa. E kaya ni ra dau dola ga e na 3 na siga mai me yacova na 5 na kaloko e na mataka lailai ka sa mani vukei ira me rawa mai na i lavo kei na kena saumi na tamata cakacaka ka vaka kina na i vakacavacava e saumi lesu kina matanitu.

Tomana ka kaya o Cooke e rui ka bibi me vakaraitaki na cava dina na vuna e yaco tiko kina na veika oqo.

Kaya o koya nira dau qarauni ira vinaka na lewenivanua era dau mai vakayagataka na vanua ni veivakamarautaki oqo ka laurai mera maroroi vinaka, ia, na veika esa qai dau la?ki yaco e na taudaku ni valenidanisi e ratou sa na sega ni rawa ni cakava kina e dua na ka, ka dodonu me ratou na veiqaravi kina na ovisa.  Rawa ni rau cakacaka vata na vale ni danisi kei na tabana ni ovisa e na nodra qarauni ka kauwaitaki na lewenivanua.

Kuria ka kaya o Cooke ena gauna era sa dau biuta kina na valenidanisi, era sa dau la?ki voli gunu mai na veivanua tale eso, ia na kena i soqoni kece esa dau qai mai beitaki tale tiko na valenidanisi ka dodonu me na laurai tale mada vakavinaka.