13,000 era curu vou

ENA kena mai biu vata na rivote ni yabaki oqo mai na tabana ni i lavo musuki, na Fiji National Provident Fund, e vakaraitaki mai ni toso cake na i lavo e dau vakau yani me baleta na nodra i lavo musuki na tamata cakacaka, ka rauta ni $375.7 na milioni kece na kena levu.

Oqo e tubu mai ena $32.7 na milioni.

E vakaraitaka o Aisake Taito, na i vakailesilesi liu ni mai cava na yabaki vakailavo ena Seviteba oqo, e laurai ni 13, 943 na lewenivanua era sa vakacurumi me musuki tiko na nodra i lavo ki na FNPF.

E dua na i moimoi ni veiqaravi vou eratou tavoca ena yabaki oqo, oya na nodratou laki veitalanoa ka veivosaki kei ira na tamata cakacaka e musuki na nodra i lavo ena kena vakamatatataki na veika vakailavo ni tabana oqo ni i lavo musuki.

Oqo ena nodratou siko ena vale ni cakacaka eso, na i tikotiko kei ira kece e ra tiki ni veiqaravi ni FNPF.

Tukuna o Taito ni sa toso tikoga na kena vakavinakataki na mona livaliva ni veiqaravi ni tabana oqo me rawa ni da vukei kina vakatotolo na tamata cakacaka, o ira na peniseni kei ira na i taukei ni cakacaka.

E ratou vakadeitaka na tabana oqo ni FNPF ni veivanua kece eratou biuta kina na noda i lavo ena vuku ni vakaduri bisinisi se soli dinau, eratou kila ni oqori e na kauta mai na bula vinaka ni bisinisi, ka i vakarau ni vakatubu bisinisi oya na kena vakotori na ituvatuva ni tabana ni musu i lavo kei na i vakarau ni nodratou solia na i lavo ena kena tekivutaki e dua na i tuvatuva ni bisinisi.

Latest posts

More Stories